حاسة اني تعبانة من غير صوتك...لا مش تعب نفسي..انا تعبانة فعلا..سخنة وبكح..وداخلة على دور بدر...دور برد وانت مش معايا..موقف غريب قوي اني ابقى تعبانة وانت مش جنبي
عمري ما كنت اتخيل اني ضعيفة قوي كدة...اتضح اني اضعف مما كنت اتخيل
الدور جامد قوي حاسة انه دخل على قبي كمان..حاساه ضعيف هو كمان...كل شوية احط ايدي عليه زي ما اكون بتأكد انه لسة موجود..مسابنيش هو كمان
كل يوم بحلم بيك وانت جاي تزورني وتقعد جنبي وانا عيانة وتمسك ايدي وتقرب مني تهمس في وداني باخر نكتة وانا اقولك متقربش مني لحسن تتعدي وانت ترد عليا وتقولي انا اصلا عيان من زمان وتقول على طريقة رشدي اباظة في فيلم صغيرة على الحب..مرض لذيذ اسمه...وتبص في عنيا قوي وتقولي اسمه الحب
بعيش الحلم ده قوي لدرجة اني بنسى انه حلم اصلا
عايزاك ترجع بقى...عايزاك ترجع علشان ارجع انا كمان قوي تاني
4 التعليقات:
بجد مبدعة
بوست مميز واكثر من رائع
كلامك بسيط ومعبر وواضح المعالم
تحياتى
الله عليكي بجد...ربنا يديلك الي في بالك
قريبن ان شاء الله
كلماتك جميله جدا ورقيقه قوي ولو كان البرد هيخليه يرجع هبرد واكون عيانه كل يوم
بالتوفيق ليكي وبجد كلماتك رائعه وروعتها في بساطتها واحساسها العالي
تامر
شكرا على مرورك ياتامر...وشكرا على كلامك الاحلى
بيسو
يارب يابيسو امين
حاسوباتية
لأ ياجميلة بعد الشر عنك من البرد..لكن الانسان لما بيبقى مريض بيبقى ضعيف وبيكون محتاج الي بيحبهم جنبه على طول حتى لو مش هيعملوله حاجة..بس مجرد يمسكوا ايده ويبتسموا في وشه
فاهماني انتي طبعا
إرسال تعليق